தமிழ், தெலுங்கு சினிமாவில் 1980 மற்றும் 90s-களில் முன்னணி கதாநாயகியாக வலம் வந்த அமலா தெலுங்கு நடிகர் நாகார்ஜுனாவை காதலித்து திருமணம் செய்து கொண்டார். இவர்களது மகன் அகில் படங்களில் நாயகனாக நடித்து வருகிறார். இப்போது அகில் நடிப்பில் ஏஜெண்ட் எனும் படம் திரைக்கு வந்திருக்கிறது. இப்படத்துக்கு எதிர்பார்த்த வரவேற்பு கிடைக்காமல் தோல்வியடைந்துள்ளது. பலரும் இப்படத்தையும், அகிலையும் அவதூறு செய்தும் விமர்சித்தும் சமூகவலைத்தளத்தில் கருத்துகள் பதிவிட்டு வருகின்றனர்.

தற்போது நடிகை அமலா இதற்கு பதிலடி கொடுத்துள்ளார். அதாவது “கேலி என்பது பாதுகாப்பு இல்லாத தன்மை காரணமாக வெளிப்படுவது ஆகும். எனினும் அவை வெற்றிக்கே வழிவகுக்கும். நான் ஏஜெண்ட் திரைப்படத்தை பார்த்து உண்மையில் ரசித்தேன். படத்தில் ஒருசில குறைகள் இருந்தாலும் நீங்கள் வெளிப்படையான மனதோடு பார்த்தால் ரசிப்பீர்கள். அகில் நடிக்கக்கூடிய அடுத்த திரைப்படம் மேலும் நன்றாக இருக்கும்” என அமலா கூறி உள்ளார்.