உலக அளவில் செல்போன் விற்பனையில் முன்னணி நிறுவனமாக ஆப்பிள் திகழ்கிறது. இந்த நிறுவனத்தின் பெரிதும் எதிர் பார்க்கப்பட்ட ஐபோன் 16 சீரிஸ் செல்போன் அறிமுகப்படுத்தப்பட்டது. அதன்படி ஐபோன் 16, ஐபோன் 16 ப்ளஸ், ஐபோன் 16 ப்ரோ, ஐபோன் 16 ப்ரோ மேக்ஸ் ஆகிய மாடல்கள் அறிமுகப்படுத்தப்பட்டுள்ளது. இதில் ஐபோன் 16 ப்ரோ மேக்ஸ் மாடலில் 6.9 இன்ச் டிஸ்ப்ளே இருக்கும் நிலையில், iphone pro மாடல்கள் பிளாக் டைட்டானியம், ஒயிட் டைட்டானியம், நேச்சுரல் டைட்டானியம், புதிய டெசர்ட் டைட்டானியம் ஆகிய நான்கு நிறங்களில் கிடைக்கிறது. அதன் பிறகு ஐபோன் 16 ப்ரோ சீரிஸ் மாடலில் 48 எம்பி பியூஷன் கேமரா, டால்பி விஷனின் 4k வீடியோ பதிவு செய்யும் அம்சம் போன்றவைகள் உள்ளது.

இந்நிலையில் தற்போது இந்தியாவில் ஐபோன் 16 சீரிஸ் மாடல்களின் விலை குறித்து பார்ப்போம். அதாவது ஐபோன் 16 ப்ரோ மாடல் விலை 1,19,000 ரூபாயாக இருக்கிறது. இதேபோன்று ஐபோன் 16 ப்ரோ மேக்ஸ் மாடல் 1,44,900 விலையில் அறிமுகமாகும் என்று கூறப்படுகிறது. இதனையடுத்து ஐபோன் 16 மாடல் விலை ரூ.79,990 ஆகவும், ஐபோன் 16 ப்ளஸ் மாடல் விலை ரூ‌.89,990 ஆகவும் நிர்ணயம் செய்யப்பட்டுள்ளது. மேலும் நேற்று அறிமுகம் செய்யப்பட்ட ஐபோன் 16 சீரிஸ் மாடல்களை செப்டம்பர் 13-ஆம் தேதி முதல் முன்பதிவு செய்து கொள்ளலாம். இதைத்தொடர்ந்து செப். 20-ம் தேதி முதல் ஐபோன் மாடல்கள் விற்பனைக்கு வரும் என்று கூறப்படுகிறது.