
தமிழ் சினிமாவின் முன்னணி நடிகராக விளங்குபவர் தனுஷ். இவர் தற்போது ராயன் என்ற படத்தை நடித்து இயக்கியுள்ளார். இந்த படத்தை ஏ.ஆர்.ரகுமான் இசையில் சன் பிக்சர்ஸ் நிறுவனம் தயாரித்துள்ளது. இந்த படம் கடந்த 26 ம் தேதி வெளிவந்த நிலையில் ரசிகர்களிடையே அதிக வரவேற்பை பெற்றுள்ளது.

இந்த படத்தில் காளிதாஸ் ஜெயராம், சந்தீப் கிஷன், செல்வராகவன், அபர்ணா பாலாமுரளி, எஸ்.ஜே.சூர்யா, பிரகாஷ்ராஜ் என பல நட்சத்திரங்கள் முக்கியமான கதாபாத்திரங்களில் நடித்துள்ளனர். இந்நிலையில் இந்த படத்திற்கு உலகளவில் நல்ல வரவேற்பு கிடைத்துள்ளது.
இந்த படம் கடந்த 5 நாட்களில் ரூ. 90 கோடிக்கு மேல் வசூல் சாதனை புரிந்து திரையரங்குகளில் வெற்றிகரமாக ஓடிக் கொண்டிருப்பது குறிப்பிடத்தக்கது. மேலும் ஓரிரு நாட்களில் ரூ. 100 கோடி வசூலை தாண்டும் என்று எதிர்ப்பார்க்கப்படுகிறது.