திருமணங்கள் மகிழ்ச்சியுடன் நிறைந்ததாக இருக்க வேண்டும் என்ற எண்ணம் அனைவருக்கும் உள்ளது. ஆனால் சமீபத்தில் ஒரு மணமகள் எடுத்த திடீர் முடிவு, சமூக வலைதளங்களில் பெரும் பரபரப்பை ஏற்படுத்தியுள்ளது. கர்நாடகாவில் நடந்ததாகக் கூறப்படும் இந்த சம்பவத்தில், தாலி கட்டும் நேரத்தில் மணமகள் திடீரென திருமணத்தை நிறுத்திவிடும் முடிவை எடுத்தார், இதனால் அவரின் பெற்றோரும், மணமகன் குடும்பத்தினரும் அதிர்ச்சியடைந்தனர்.

தன்னுடைய உயர்கல்வியைத் தொடர வேண்டும் என்பதால் திருமணத்தை நிறுத்தியதாக அந்த பெண் தெரிவித்தார். இந்த முடிவுக்கு அவரின் பெற்றோரும், மணமகனும் எதிர்ப்பை தெரிவித்தனர். இந்த சம்பவம் சமூக வலைதளங்களில் வேகமாக பரவியது. பலரும் அதனை பற்றிய கருத்துக்களைப் பகிர்ந்து வருகின்றனர். சிலர் அந்த பெண்ணின் தைரியத்தையும், தன்னுடைய வாழ்க்கையை நேர்மறையாகக் கையாளுவதையும் பாராட்டியிருந்தனர்.

“தன் எதிர்காலம் குறித்தே எவ்வளவு பெரிய முடிவெடுத்துள்ளார்!” என்ற கருத்துகள் பல சமூக வலைதளங்களில் பதிவாகியுள்ளன. ஆனால், இது போன்ற முடிவுகளை திருமண நாள் வருவதற்குள் எடுத்துக் கொள்ளலாம் என சிலர் கமென்ட் செய்துள்ளனர். “நிச்சயதார்த்தம் நடந்த பிறகு ஏன் இந்த முடிவை எடுத்தார்?” என்பதற்கு பதில் கூற முடியாத நிலையில், மணமகள் குடும்பத்தினருக்கும், மணமகனுக்கும் மன உளைச்சல் ஏற்பட்டது. இது தொடர்பான வீடியோ சோஷியல் மீடியாவில் வைரல் ஆனது.