தெலுங்கானாவில் ரக்க்ஷா பந்தன் தினத்தை ஒட்டி நிறைமாத கர்ப்பிணி ஒருவர் தனது அண்ணனுக்கு ராக்கி கட்டுவதற்காக அரசு பஸ்சில் சென்று கொண்டிருந்தார். அப்போது அவருக்கு திடீரென வழி ஏற்பட்டது. இந்நிலையில் அதே பேருந்தில் செவிலியர் ஒருவர் பயணித்துக் கொண்டிருந்தார். அவர் பஸ்ஸில் நடத்துனர் பாரதி உதவியுடன் அந்த நிறை மாத கர்ப்பிணிக்கு பிரசவம் பார்த்தார்.
அப்போது அந்தப் பெண் அழகான பெண் குழந்தையை பெற்றெடுத்தார். இதனை அடுத்து அருகில் உள்ள மருத்துவமனையில் தாயும் குழந்தையும் அனுமதிக்கப்பட்டனர். அங்கு அவரை பரிசோதித்த மருத்துவர்கள் தாயும் குழந்தையும் நலமுடன் இருக்கிறார்கள் என்று தெரிவித்தனர்.
அதன்பின் தெலுங்கானா அரசு போக்குவரத்து கழகம் பஸ்ஸில் பிறந்த அழகான பெண் குழந்தைக்கு வாழ்நாள் முழுவதும் பஸ்ஸில் இலவசமாக பயணிக்கும் விதமாக இலவச பயண பாஸ் ஒன்றை வழங்கியது. மேலும் பிரசவத்திற்கு உதவியாக இருந்த செவிலியர் அலிவேலு மங்கம்மாவுக்கும் ஒரு வருட இலவச பயண பாஸ் வழங்கியது.
