தமிழ் சினிமாவில் முன்னணி நடிகராக இருப்பவர் தனுஷ். இவர் கடைசியாக ராயன் படத்தை இயக்கி நடித்திருந்தார். இந்த படம் நல்ல வரவேற்பை பெற்ற நிலையில் தற்போது நடிகர் தனுஷ் மீண்டும் ஒரு படத்தை இயக்கி நடிக்க இருக்கிறார். ஏற்கனவே நடிகர் தனுஷ் இயக்கத்தில் ப. பாண்டி, ராயன் உள்ளிட்ட படங்கள் வெளியான நிலையில் தற்போது நிலவுக்கு என் மேல் என்னடி கோபம் என்ற திரைப்படத்தை இயக்கி வருகிறார். இதைத்தொடர்ந்து தற்போது அவர் தன்னுடைய 52-வது படத்தை இயக்கி நடிக்கிறார்.

இந்த படத்திற்கு தற்போது இட்லி கடை என்று பெயர் வைக்கப்பட்டுள்ளதாக படக்குழு போஸ்டர் வெளியிட்டுள்ளனர். இது கிராமத்து கதை அம்சம் கொண்ட படமாக இருக்கும் என நடிகை நித்யா மேனன் கூறியிருந்தார். இவரும் இந்த படத்தில் நடிக்க இருக்கிறார். அதோடு நடிகர் ராஜ்கிரண் மற்றும் சத்யராஜ் உள்ளிட்டோரும் படத்தில் நடிக்க இருப்பதாக கூறப்படுகிறது. இந்த படத்திற்கு ஜிவி பிரகாஷ் குமார் இசையமைக்கிறார். மேலும் நடிகர் தனுஷ் இயக்கத்தில் வெளிவரும் படங்கள் வெற்றி படங்களாக இருப்பதால் அவருடைய 52வது படத்தின் மீதான எதிர்பார்ப்பும் அதிகமாக இருக்கிறது.