இந்திய மல்யுத்த வீராங்கனை வினேஷ் போகத். இவர் பாரிஸில் நடைபெற்ற ஒலிம்பிக் போட்டியில் கலந்து கொண்ட நிலையில் 100 கிராம் எடை அதிகமாக இருந்த காரணத்திற்காக இறுதிப் போட்டியில் இருந்து தகுதி நீக்கம் செய்யப்பட்டார். அதன் பிறகு மல்யுத்த போட்டியிலிருந்து ஓய்வு பெறுவதாக அறிவித்த அவர் காங்கிரஸ் கட்சியில் இணைந்து அரசியலில் ஈடுபட்டார். சமீபத்தில் ஹரியானாவில் நடைபெற்று முடிந்த சட்டசபை தேர்தலில் காங்கிரஸ் வேட்பாளராக போட்டியிட்ட அவர் ஜூலானா தொகுதியில் வெற்றி பெற்று எம்எல்ஏவாக தகுதி பெற்றார்.

இந்நிலையில் இன்று சட்டசபை கூட்டத்தின் போது வினேஷ் போகத் எம்எல்ஏவாக பதவி ஏற்றுக்கொண்டார். அப்போது அவர் இந்தியாவின் ஜெர்சி அணிந்து நாடாளுமன்றத்திற்கு வந்தார். கடந்த 19 வருடங்களாக ஜுலானா தொகுதியில் தோல்வியை சந்தித்த காங்கிரஸ் கட்சி வினேஷ் போகத்தை வேட்பாளராக நியமித்ததன் மூலம் முதல் முறையாக வெற்றியை தழுவியது. மேலும் வினேஷ் போகத் எம்எல்ஏவாக பதவியேற்று கொண்டது தொடர்பான வீடியோ சமூக வலைதளத்தில் வைரலாகி வருகிறது.