தமிழ் சினிமாவில் ரெட் ஜெயன் மூவிஸ் நிறுவனத்தின் மூலம் தயாரிப்பாளராக அறிமுகமானவர் உதயநிதி ஸ்டாலின். இவர் முதன்முதலாக விஜய் நடிப்பில் வெளிவந்த குருவி திரைப்படத்தை தயாரித்தார். இதைத்தொடர்ந்து பொருட்கள் ஒரு கண்ணாடி என்ற திரைப்படத்தின் மூலம் உதயநிதி ஸ்டாலின் நடிகராக அறிமுகமானார். அவர் படங்களில் ஹீரோவாக நடித்த நிலையில் அதன் பிறகு கடந்த சட்டமன்றத் தேர்தலில் சென்னை சேப்பாக்கம் தொகுதியில் போட்டியிட்ட அவர் எம்எல்ஏவாக வெற்றி பெற்றார். அவருக்கு திமுக அமைச்சரவையில் இளைஞர் நலன் மற்றும் விளையாட்டு மேம்பாட்டு துறை அமைச்சர் பதவி வழங்கப்பட்டது. தொடர்ந்து சமீபத்தில் நடந்த அமைச்சரவை கூட்டத்தின் போது அவருக்கு துணை முதல்வர் பதவி வழங்கப்பட்டது.

உதயநிதி ஸ்டாலின் இன்று தன்னுடைய 47வது பிறந்தநாள் விழாவை கொண்டாடுகிறார். அவருடைய பிறந்த நாளை முன்னிட்டு திமுகவினர் அதனை சிறப்பாக கொண்டாட ஏற்பாடுகளை செய்து வருகிறார்கள். முன்னதாக இன்று அரசு மருத்துவமனைகளில் பிறக்கும் குழந்தைகளுக்கு தங்க மோதிரத்தை பரிசாக வழங்க திமுகவினர் முடியும் செய்துள்ளனர். இதைத்தொடர்ந்து தமிழ்நாடு முழுவதும் ஏழை எளிய மக்களுக்கு நலத்திட்ட உதவிகள் வழங்க முடிவு செய்யப்பட்டுள்ளது. அதன்படி பள்ளி கல்லூரி மாணவர்களுக்கு உதவித்தொகை, கல்வி உபகரணங்கள் வழங்குதல், பல்வேறு விளையாட்டுப் போட்டிகள் நடைபெற இருக்கும் நிலையில் மாபெரும் மருத்துவ முகாமும் நடைபெற உள்ளது. மேலும் இன்று பல்வேறு நலத்திட்ட உதவிகள் வழங்கப்படுவதோடு குழந்தைகளுக்கு தங்க மோதிரத்தையும் பரிசாக வழங்க இருக்கிறார்கள்..