பிக் பாஸ் மற்றும் டாடா திரைப்படத்தின் மூலம் தமிழ் திரையுலகில் பிரபலமான கவின் நடித்த ஸ்டார் திரைப்படம் தற்போது வெளியாகி வசூல் ரீதியாகவும் விமர்சன ரீதியாகவும் கணிசமான வரவேற்பை மக்களிடையே பெற்று வருகிறது. இந்நிலையில் பட ப்ரோமோஷன்களுக்காக அவர் பல நேர்காணல்களில் தொடர்ந்து பங்கேற்று வருகிறார். இந்நிலையில் அவர் ஏற்கனவே பங்கேற்ற நேர்காணல்களில் அவர் பேசிய சில முக்கிய நிகழ்வுகளை அவரது ரசிகர்கள் எடிட் செய்து சமூக வலைதளங்களில் பதிவிட்டு வருகின்றனர்.
அந்த வகையில் தற்போது வீடியோ ஒன்று வைரலாகி வருகிறது. அதில், திருச்சியில் நான் இருக்கும்போது என்னுடைய அதிகபட்ச ஆசை ஒரு பெண்ணை காதலிக்க வேண்டும், அவளை திருமணம் செய்ய வேண்டும், திருச்சியில் ஒரு சாதாரண வேலை பார்த்து அவளை காப்பாற்ற வேண்டும் என்பதாக தான் இருந்தது. ஒரு சாதாரண ஆசை கொண்ட மனிதனாகவே நான் இருந்தேன். தற்போது நான் இருக்கும் நிலை எதிர்பாராத ஒன்றே என தெரிவித்துள்ளார்.
View this post on Instagram
