தனுஷ் இயக்கத்தில் கடந்த 21 ஆம் தேதி வெளியான படம் நிலவுக்கு என் மேல் என்னடி கோபம். இந்த படத்தில் பவிஷ், அனிகா சுரேந்தர், பிரியா பிரகாஷ் வாரியர், மேத்யூ தாமஸ் வெங்கடேஷ் மேனன், ரம்யா ரங்கநாதன், சித்தார்த் ஷங்கர் மற்றும் பலர் நடித்துள்ளார்கள். இந்த நிலையில் இந்த படத்தின் மூலம் சினிமாவில் அறிமுகமாகி இருப்பவர்தான் ரம்யா நங்கநாதன். இவர் தனுசுக்கு நன்றி கூறியுள்ளார். இது குறித்து அவர் வெளியிட்ட பதிவில், “நான் நன்றியுடன் கண்ணீர் நிறைந்த கண்களுடன் இதை பகிர்ந்து இருக்கிறேன்.

என்னுடைய முதல் பட வாய்ப்பு அளித்த தனுஷுக்கு என் இதயத்தின் அடிப்பகுதியில் இருந்து நன்றி.  உங்கள் இயக்கத்தில் நடித்தது உண்மையிலேயே பெருமை. என்னுடைய முதல் படமே உங்கள் இயக்கத்தில் இருக்கும் என்று நான் கனவில் கூட நினைக்கவில்லை.  உங்களோடு எடுத்த முதல் புகைப்படம் என் மனதில் என்றும் தனி இடத்தை பிடித்திருக்கும். கோல்டன் ஸ்பேரோ படபிடிப்பிற்கு பிறகு நீங்கள் என்னுடன் பகிர்ந்து கொண்ட வார்த்தைகள் என்றென்றும் என்னோடு இருக்கும்” என்று பதிவிட்டுள்ளார்.