மத்திய பிரதேசத்தில் தேர்தல் அறிக்கையை வெளியிட்டுள்ள பாஜக, ஏழை குடும்பத்தை சேர்ந்த பெண் குழந்தைகளுக்கு முதுகலை பட்டப்படிப்பு வரை இலவச கல்வி வழங்கப்படும் என்று அதிரடி அறிவிப்பை வெளியிட்டுள்ளது. மத்திய பிரதேச சட்டப்பேரவை தேர்தல் வருகின்ற நவம்பர் 17ஆம் தேதி நடைபெற உள்ள நிலையில் பாஜக தன்னுடைய தேர்தல் அறிக்கையை வெளியிட்டது. தலைநகர் போபாலில் நடைபெற்ற நிகழ்ச்சியில் முதலமைச்சர் சிவராஜ் சிங் சவுகான் தலைமையில் பாஜக தேசிய தலைவர் ஜெ.பி நட்டா தேர்தல் அறிக்கையை வெளியிட்டார்.