பிரபல இசையமைப்பாளரான ஜி.வி பிரகாஷ் கடந்த 2013-ம் ஆண்டு பின்னனி பாடகி சைந்தவியை காதலித்து திருமணம் செய்து கொண்டார். இந்த தம்பதியினருக்கு அன்வி என்ற மகள் உள்ளார். இருவரும் 12 வருடங்கள் ஒன்றாக வாழ்ந்தனர். சமீபத்தில் விவாகரத்து செய்ய போவதாக அறிவித்தனர். இன்று ஜி.வி பிரகாஷ் சைந்தவி இருவரும் ஒரே காரில் வந்து சென்னை குடும்ப நல நீதிமன்றத்தில் பரஸ்பர விவாகரத்து கோரி மனு தாக்கல் செய்துள்ளனர்.

இந்த மனு கூடுதல் குடும்ப நல கோர்ட்டு நீதிபதி செல்வசுந்தரி முன்பு விசாரணைக்கு வந்தது. அப்போது இருவரும் மனமுவந்து பிரிய போவதாக கூறினர். இந்த வழக்கு விசாரணையை நீதிபதி ஒத்தி வைத்தார். அதன் பிறகு இருவரும் ஒரே காரில் புறப்பட்டு சென்றனர். இதைப்பற்றி தான் சினிமா வட்டாரத்தில் பரபரப்பாக பேசிக் கொண்டிருக்கின்றனர்.