நடிகை திரிஷா மற்றும் நடிகர் விஜய் சேதுபதி நடிப்பில் கடந்த 2018 ஆம் வருடம் வெளியான திரைப்படம் தான் 96. இந்த படமானது சிறியவர்கள் முதல் பெரியவர்கள் வரை அனைவருடைய மனதிலும்  நீங்காத இடத்தை பிடித்தது. படத்தை இயக்குனர் பிரேம் குமார் இயக்கியுள்ளார். இந்த படம் வெளியாகி சூப்பர் ஹிட் கொடுத்தது. இதனை தொடர்ந்து இந்த படத்தின் இரண்டாம் பாகம் எடுக்கப் போவதாக அவர் பேட்டி ஒன்றில் கூறியிருந்தார். ஆனால் இது காதல் கதை இல்லை என்பதும் குறித்தும் அவர் தெரிவித்து இருந்தார்.

இந்த படத்தை வேல்ஸ் நிறுவனம் தயாரிக்க உள்ளது. இந்நிலையில் சமீபத்தில் படத்தின்  கதையை தயாரிப்பாளர் ஐசரி கணேஷிடம் கூறியுள்ளார் பிரேம்குமார். முதல் நாள் கதையை கேட்டுவிட்டு மறுநாள் இயக்குனர் பிரேம்குமாரை அழைத்து ஐந்து பவுன் தங்க சங்கிலியை பரிசாக கொடுத்தாராம். இதுவரை தன்னுடைய வாழ்க்கையில் இப்படி ஒரு கதையை கேட்டதே இல்லை என்றும் கண்டிப்பாக இந்த படம் மாபெரும் ஹிட் கொடுக்கும் என்றும் கூறினாராம். விரைவில் இந்த படத்திற்கான அறிவிப்பு வரும் என்று எதிர்பார்க்கப்படுகிறது.