கள்ளக்குறிச்சி சம்பவத்தில் விஷச்சாராயம் குடித்து பலியானவர்கள் குடும்பத்திற்கு 10 லட்சம் ரூபாய் இழப்பீடாக தமிழக அரசு அறிவித்ததை எதிர்த்து தொடரப்பட்ட வழக்கில் உயர்நீதிமன்றம் வழக்கை தள்ளுபடி செய்து உத்தரவிட்டது.

கள்ளக்குறிச்சியில் விஷசாராயம் குடித்து உயிரிழந்தவர்களின் குடும்பத்திற்கு ரூ.10 லட்சம் இழப்பீடாக வழங்கும் தமிழக அரசு உத்தரவை எதிர்த்து குமரேசன் என்பவர் வழக்கு தொடுத்திருந்தார். இந்நிலையில் மனுதாரரின் தரப்பில் கூறப்பட்டதாவது; மக்களின் வரிப்பணத்தை சட்ட விரோதமாக விஷசாராயம் குடித்து இறந்தவர்களுக்காக பயன்படுத்தக் கூடாது. இதை தடை செய்ய வேண்டும் என்று கூறப்பட்டிருந்தது.

கள்ளக்குறிச்சியில் விஷச்சாராயம் குடித்து உயிரிழந்த 66 பேரின் குடும்பங்களின் நிலையை கருத்தில் கொண்டு இந்த இழப்பீடு வழங்கப்பட்டுள்ளதாக அரசு தரப்பு வழக்கறிஞர் தனது வாதங்களை முன் வைத்தார்.

இரு தரப்பு வாதங்களைஉள்ள கேட்ட நீதிபதிகள், தமிழக அரசின் முடிவில் நீதிமன்றம் தலையிடாது, மேலும் எந்த ஆதாரமும் இல்லாமல் ,வழக்கு விளம்பர நோக்கத்திற்காக தொடுக்கப்பட்டது என்று கூறி இந்த வழக்கை தள்ளுபடி செய்வதாக அறிவித்தனர்.