மாஞ்சேரியில் சபரிமலை பக்தர்கள் சென்ற வாகனம் ஆட்டோ மீது மோதியதில் 5 பேர் உயிரிழந்தனர்.
கர்நாடக மாநிலத்தில் இருந்து கேரளாவுக்கு ஐயப்ப பக்தர்களை ஏற்றி சென்ற பேருந்து, ஆட்டோ மீது மோதியதில் 5 பேர் பலியான சம்பவம் சோகத்தை ஏற்படுத்தியுள்ளது. கேரள மாநிலம் மலப்புரம் மாவட்டம் அருகே நிகழ்ந்த விபத்தில் ஆட்டோவில் பயணித்த 5 பேரும் சம்பவ இடத்திலேயே பலியான சம்பவம் சோகத்தை ஏற்படுத்தியுள்ளது. இறந்தவர்களில் ஒரு குழந்தையும் அடங்குகிறது. கர்நாடகாவில் இருந்து ஐயப்ப பக்தர்கள் சென்ற பேருந்து ஆட்டோ மீது மோதியதில் இந்த விபத்து ஏற்பட்டுள்ளது.
இந்த விபத்தில் ஆட்டோ ரிக்ஷாவில் இருந்த 4 பேர் முதலில் உயிரிழந்தனர். 4 பேரும் சம்பவ இடத்திலேயே உயிரிழந்தனர். பின்னர் மருத்துவமனையில் மேலும் ஒருவர் உயிரிழந்தார். அதாவது, ஆட்டோ டிரைவர் அப்துல் மஜீத், பயணிகள் முஹ்சினா, தஸ்னீமா, தஸ்னீமாவின் மகள் மோலி (7), ரைசா (3) ஆகியோர் இறந்தனர். இறந்தவர்களின் உடல்கள் மாஞ்சேரி மருத்துவக் கல்லூரி மருத்துவமனைக்கு அனுப்பி வைக்கப்பட்டன.
மேலும் சபீரா, முகமது நிஷாத், ஆஷா பாத்திமா, ரைஹான் உள்ளிட்ட 5 பேர் காயமடைந்து சிகிச்சை பெற்று வருகின்றனர். அவர்கள் மாஞ்சேரி மருத்துவக் கல்லூரியில் அனுமதிக்கப்பட்டுள்ளனர். இச்சம்பவம் இன்று மாலை 6 மணியளவில் நடைபெற்றது. கிழக்கேத்தலாவில் இருந்து புல்லூர் நோக்கிச் சென்ற ஆட்டோ, செட்டியங்காடு என்ற இடத்தில் அரீகோட்டில் இருந்து வந்த ஐயப்ப பக்தர்களின் பேருந்து மோதி விபத்துக்குள்ளானது.
