நாகர்கோவில் வடசேரி காவல் நிலையத்தில் உதவி காவல் ஆய்வாளராக பணிபுரிந்து வருபவர் லட்சுமணன். இவர் குற்றங்களை கண்காணிப்பதற்காக நேற்று முன்தினம் நீதிமன்ற சாலையில் காவலர் சீருடை இல்லாமல் ரோந்து பணியில் ஈடுபட்டுக் கொண்டிருந்தார். அப்போது லட்சுமணன் அங்கே தனியாக நின்று கொண்டிருந்ததை பார்த்த இரண்டு பெண்கள், ஒரு இளைஞர் அவரிடம் வந்து பேச்சு கொடுத்து எங்களிடம் இளம்பெண் ஒருவர் இருக்கிறார். அவரோடு தனிமையில் இருப்பதற்கு 1500 ரூபாய் கொடுத்தால் போதும் என்று கூறியுள்ளார்கள். இதனை அறிந்த காவல் உதவி ஆய்வாளர் லட்சுமணன் தான் யார் என்பது வெளியே காட்டாதவாறு அவர்கள் சொன்னதற்கெல்லாம் தலையை அசைத்துள்ளார். அதன் பிறகு மூன்று பேரும் அவரை ஒரு வாடகை வீட்டிற்கு அழைத்து சென்றுள்ளார்கள்.

அங்கு ஒரு அறையில் இளம் பெண் ஒருவர் அரைகுறை ஆடைகளோடு வந்துள்ளார். இதனை அடைத்து உதவி ஆய்வாளர் லட்சுமணன் காவல் நிலையத்திற்கு தகவல் கொடுத்துள்ளார்.  இதனையடுத்து சுதாரித்து கொண்ட அந்த நான்கு பேரும் அங்கிருந்து தப்பி செல்ல  முயற்சித்துள்ளார். ஆனால் உடனடியாக காவல் நிலையத்திலிருந்து வந்த போலீசார் அவர்களை மடக்கி பிடித்துள்ளார்கள். அதேசமயம் அறையில் அரைகுறை ஆடைகளோடு இருந்த இளம் பெண்ணிடம் போலீசார்  விசாரணை நடத்தினார்கள்.

அதில் அந்த இளம்பல் திண்டுக்கல் மாவட்டத்தை சேர்ந்தவர் என்பதும் பணத்தாசை காட்டி மூவரும் அந்த இளம் பெண்ணை பாலில் தொழிலில் தள்ளியதும் தெரியவந்துள்ளது. இதனை அடுத்து அந்த மூன்று பேரிடம் நடத்தப்பட்ட விசாரணையில் அவர்கள் கொடைக்கானலில் சேர்ந்த ராமச்சந்திரன், அவருடைய மனைவி ராகவி, நாகர்கோவில் சேர்ந்த விஜயகுமாரி என்பது தெரியவந்துள்ளது. இதில் விஜயகுமாரி என்பவர் பாலியல் தொழிலுக்கு புரோக்கராக பணியாற்றி வந்துள்ளார். இதனை அடுத்து இந்த மூன்று பேரையும் காவல்துறையினர் கைது செய்துள்ளார்கள்.