தமிழ் சினிமாவில் முன்னணி நடிகராக இருக்கும் ரஜினிகாந்த் தற்போது லோகேஷ் கனகராஜ் இயக்கத்தில் கூலி என்ற திரைப்படத்தில் நடித்து வருகிறார். இந்த படத்தை சன் பிக்சர்ஸ் நிறுவனம் தயாரிக்கும் நிலையில் சத்யராஜ், நாகார்ஜுனா மற்றும் பகத் பாசில் உள்ளிட்ட  பல பிரபலங்கள் முக்கிய வேடங்களில் நடிக்கிறார்கள். இந்த படத்தில் நடிகை பூஜா ஹெக்டே ஒரு பாடலுக்கு குத்தாட்டம் போடுகிறார். அதாவது ஜெய்லர் படத்தில் நடிகை தமன்னா காவலா பாடலுக்கு குத்தாட்டம் போட்ட நிலையில் அந்த பாடல் மிகப்பெரிய ஹிட் அடித்தது.

இந்த படத்திற்கு அனிருத் இசையமைக்கும் நிலையில் சமீபத்தில் டீசர் மற்றும் மேக்கிங் வீடியோ போன்றவைகள் வெளியாகி நல்ல வரவேற்பை பெற்றது. இந்நிலையில் தற்போது படத்தின் ரிலீஸ் தேதியை படக்குழு வெளியிட்டுள்ளது. அதன்படி இந்த படம் சுதந்திர தின விழாவை ஒட்டி ஆகஸ்ட் 14ஆம் தேதி ரிலீசாகிறது. மேலும் இதனை பட குழு போஸ்டர் வெளியிட்டு அறிவித்த நிலையில் ரசிகர்கள் மிகுந்த மகிழ்ச்சியில் இருக்கிறார்கள்.