கேரள மாநிலத்தில் உள்ள ஆலப்புழா பகுதியில் சஞ்சு டெக்கி என்பவர் வசித்து வருகிறார். இவர் பிரபலமான யூடியூபர். இவர் தன்னுடைய காரில் ஆவேசம் படத்தில் வருவது போன்று நீச்சல் குளம் அமைத்து சாலையில் சாகசத்தில் ஈடுபட்டுள்ளார். இது தொடர்பான வீடியோவை அவர் நேரலையில் பகிர்ந்து கொண்டிருந்தார். இந்நிலையில் தன்னுடைய நண்பருடன் காரில் குளித்துக் கொண்டிருந்தபோது திடீரென ஒரு இடத்தில் கார் நின்றது.

அப்போது திடீரென எஞ்சினுக்குள் தண்ணீர் புகுந்து ஏர்பேக் வெடித்தது. உடனடியாக காரில் இருந்த தண்ணீரை திறந்து சாலையில் விட்டனர். இதனால் அப்பகுதியில் போக்குவரத்து பாதிக்கப்பட்டது. இதை நேரலையில் லட்சக்கணக்கானோர் பார்த்த நிலையில் உடனடியாக போக்குவரத்து காவல்துறையினர் டக்கியை பிடிக்க சென்றனர். உடனடியாக அவர் அங்கிருந்து தப்பிக்க முயற்சி செய்துள்ளார். இருப்பினும் அவரை காவல்துறையினர் மடக்கிப்பிடித்து கைது செய்தனர். மேலும் அவருடைய ஓட்டுநர் உரிமத்தை காவல்துறையினர் ரத்து செய்து நடவடிக்கை எடுத்துள்ளனர்.