கன்னட சினிமாவில் பிரபலமான நடிகராக இருக்கும் தர்ஷன் ரேணுகா சாமி கொலை வழக்கில் சிறையில் அடைக்கப்பட்டுள்ளார். அதாவது நடிகை பவித்ரா கவுடாவுக்கு ஆபாச மெசேஜ் அனுப்பிய  ரேணுகா சாமி கொலை செய்யப்பட்ட வழக்கில் நடிகர் தர்ஷன், நடிகை பவித்ரா உட்பட 17 பேர் கைது செய்யப்பட்ட சிறையில் அடைக்கப்பட்டனர். இந்த விவகாரம் கன்னடத் திரையுலகில் பெரும் அதிர்வலைகளை ஏற்படுத்தி உள்ள நிலையில் நடிகர் தர்ஷனின் ரசிகர்கள் அவருடைய கைதி எண்ணை உடலில் பச்சை குத்துவது போன்ற பல்வேறு விதமாக பயன்படுத்தி வருகிறார்கள்.

இந்நிலையில் நடிகர் தர்ஷனின் தீவிர ரசிகர் ஒருவர் தன்னுடைய ஒரு வயது குழந்தைக்கு வினோதமான முறையில் போட்டோ சூட் நடத்தியுள்ளார். அதில் அந்த குழந்தைக்கு தர்ஷனின் சிறை நம்பர் 6706 என்ற எண்ணிலான உடை அணிந்ததோடு பக்கத்தில் கை விலங்கு, ஜெய்டிபாஸ் போன்ற வசனங்கள் அடங்கிய காகிதங்கள் போன்றவற்றை வைத்துள்ளார். மேலும் இந்த புகைப்படம் தற்போது சோசியல் மீடியாவில் வைரலாகி வரும் நிலையில் பலரும் கடும் எதிர்ப்புகளை தெரிவித்து வருகிறார்கள்.