
தமிழகத்தில் தினம் தோறும் லட்சக்கணக்கான மக்கள் ரயிலில் பயணிக்கின்றனர். மற்ற போக்குவரத்துடன் ஒப்பிடும்போது ரயிலில் மிக குறைந்த கட்டணத்தில் சௌகரியமாக பயணிக்க முடியும் என்பதால் பலரும் ரயில் பயணத்தை விரும்புகிறார்கள். இதனால் முக்கிய பண்டிகை நாட்களில் மக்களின் வசதிக்காக ரயில்வே சிறப்பு ரயில்களை இயக்கி வருகிறது.
அதன்படி சென்னையிலிருந்து நாகர்கோவில் மற்றும் திருச்சிக்கு இன்று 2 சிறப்பு விரைவு ரயில்கள் அறிவிக்கப்பட்டுள்ளன. எழும்பூரில் இருந்து இன்று இரவு 10.45 மணிக்கு புறப்படும் முறையில் நாகர்கோவிலுக்கு நாளை காலை 11 மணிக்கு செல்லும். தாம்பரத்தில் இருந்து இன்று இரவு 11 மணிக்கு திருச்சிக்கும், திருச்சியிலிருந்து தாம்பரத்திற்கு நாளை இரவு 10.30 மணிக்கு முன் பதிவு இல்லா ரயில்கள் இயக்கப்படும் என்று தெற்கு ரயில்வே அறிவித்துள்ளது.