அவனியாபுரத்தில் ஜனவரி 14-ஆம் தேதி, பாலமேட்டில் ஜனவரி 15ஆம் தேதி, அலங்காநல்லூரில். ஜனவரி 16-ஆம் தேதி ஜல்லிக்கட்டு போட்டியில் நடைபெற உள்ளது. இந்த நிலையில் ஜல்லிக்கட்டில் கலந்து கொள்ளும் மாடுபிடி வீரர்கள் மற்றும் கலந்து கொள்ளும் மாடுகளுக்கான பதிவுகளை madurai.nic.in இணையதளம் மூலம் ஜனவரி ஆறாம் தேதி மாலை 5 மணி முதல் ஜனவரி 7ஆம் தேதி மாலை 5 மணிக்குள் பதிவு செய்ய வேண்டும்.

ஜல்லிக்கட்டில் கலந்து கொள்ளும் மாடுகள் ஜல்லிக்கட்டு நடைபெறும் அவனியாபுரம், பாலமேடு மற்றும் அலங்காநல்லூர் ஆகிய மூன்று கிராமங்களில் ஏதாவது ஒரு கிராமத்தில் மட்டுமே கலந்து கொள்ள அனுமதி உண்டு. ஜல்லிக்கட்டு நிகழ்ச்சிகளில் பங்கேற்க உள்ள காளையுடன் ஒரு உரிமையாளர் மற்றும் காளையுடன் நான்கு பழக்கமுள்ள ஒரு உதவியாளர் மட்டுமே அனுமதிக்கப்படுவார்கள். பதிவு செய்தவர்கள் சான்றுகள் சரிபார்க்க பின் தகுதியான நபர்களை மட்டுமே டோக்கன் பதிவிறக்கம் செய்ய முடியும். டோக்கன் பதிவிறக்கம் செய்த நபர்கள் மட்டுமே ஜல்லிக்கட்டு போட்டியில் பங்கேற்க அனுமதி வழங்கப்படும்.