அமேசான் நிறுவனம் தனது ஆசியா வர்த்தக ஒப்பந்தங்களில் பெரும் மாற்றங்களை மேற்கொண்டு, சீனாவிலும் பிற ஆசிய நாடுகளிலும் தயாரிக்கப்பட்ட பொருட்கள் தொடர்பான பல பெரிய அளவிலான ஆர்டர்களை முன் எச்சரிக்கையின்றி ரத்து செய்துள்ளதாக புகார்கள் எழுந்துள்ளன.

பீச்ச் ஷேர் , ஸ்கூட்டர்கள், குளிரூட்டிகள் உள்ளிட்ட பல வகையான பொருட்கள் மீது அமெரிக்க அதிபர் ட்ரம்ப் அறிவித்த சுங்க வரிகளுக்கு எதிராக, அமேசான் இந்த நடவடிக்கையை எடுத்திருக்கலாம் என நம்பப்படுகிறது. ஒரு சீன நிறுவனத்திடம் இருந்து ரூ. 4 கோடி மதிப்பிலான ஆர்டர், தயாரிப்பு முடிந்த பிறகும், “தவறுதலாக வைத்த ஆர்டர்” எனக் கூறி ரத்து செய்யப்பட்டுள்ளதென அந்த விற்பனையாளர் தெரிவித்துள்ளார்.

அமேசானின் இந்த முடிவுகள், பல நிறுவனங்களை பொருளாதார பாதிப்புக்குள் தள்ளியுள்ளன. பீச்ச் ஷேர்  கடந்த 10 ஆண்டுகளுக்கும் மேலாக அமேசானுக்கு விற்றுவரும் ஒரு விற்பனையாளர், தயாரிப்பு நிறைவடைந்த பின்பும், எந்தவொரு முன்னறிவிப்பும் இல்லாமல் ஆர்டர் ரத்து செய்யப்பட்டதாக தெரிவித்துள்ளார்.

இதனால் தொழிற்சாலைகளுக்கு பணம் செலுத்த வேண்டிய கட்டாயமும், புதிய வாடிக்கையாளர்களை தேட வேண்டிய நிலையும் ஏற்பட்டுள்ளது. மேலும், சுங்க வரிகளை அமேசான் செலுத்த வேண்டிய கட்டாயம் vendors மீதாக மாறியுள்ளது என்பதையும் விற்பனையாளர்கள் கண்டிக்கின்றனர்.

இந்த ரத்து நடவடிக்கைகள் அமேசானின் வருமானத்தையும் பங்குச் சந்தை நிலைக்கும் தாக்கம் ஏற்படுத்தியுள்ளன. நிறுவனத்தின் 2025 வருமான முன்னறிவிப்பு சுங்க வரி விளைவுகளால் குறைக்கப்பட்டுள்ளது.

அமேசானின் பங்குகள் இந்த ஆண்டில் ஏற்கனவே 21% விழுந்துள்ளன, இது S&P 500இன் 15% வீழ்ச்சியைவிட அதிகம். ஒட்டுமொத்தமாக, அமேசான் நேரடியாக வாங்கும் பொருட்கள் அதன் விற்பனையின் 40% ஆகும். இப்போதைய மாற்றங்கள், அதன் வணிக தரகர்களையும், உலகளாவிய சந்தைகளையும் பெரிதும் கலக்கம் அடையச் செய்துள்ளன.