தமிழ் சினிமாவின் முன்னணி நடிகராக விளங்குபவர் தனுஷ். இவர் தற்போது ராயன் என்னும் படத்தை நடித்து இயக்கியுள்ளார். இந்த படத்திற்கு ஏ.ஆர்.ரகுமான் இசையமைத்துள்ள நிலையில் சன் பிக்சர்ஸ் நிறுவனம் தயாரித்துள்ளது. இந்த படம் கடந்த 26 ம் தேதி வெளிவந்த நிலையில் ரசிகர்களிடையே அதிக வரவேற்பு பெற்றுள்ளது.

இந்நிலையில் தெலுங்கு நடிகரான மகேஷ் பாபு இந்த படத்தை பற்றி பாராட்டி எக்ஸ் எனும் வலைதளத்தில் பதிவிட்டுள்ளார். இதில் அவர் நடிகர் தனுஷ் இந்த படத்தில் மிக சிறப்பாக நடித்தாக கூறியுள்ளார். அதன்பின் இந்த படத்தில் உள்ள கதாபாத்திரங்கள் அனைத்தும் ரசிக்கத்தக்கதாக இருந்ததாகவும் அவர் பாராட்டியுள்ளார். மேலும் ராயன் திரைப்படம் 100 கோடி ரூபாய் வரை வசூல் சாதனை புரிந்து திரையரங்குகளில் வெற்றிகரமாக ஓடி கொண்டு இருப்பது என்பது குறிப்பிடத்தக்கதாகும்.