சென்னை மாவட்டம் துரைப்பாக்கம் சாய் நகரில் தன்ராஜ்(42) என்பவர் வசித்து வந்தார். இவர் அப்பகுதியில் உள்ள தனியார் நிறுவனம் ஒன்றில் மென்பொறியாளராக வேலை பார்த்து வந்தார். நேற்று காலையில் தன்ராஜ் துரைப்பாக்கம் பல்லாவரம் சாலையில் நடைபயிற்சிக்காக சென்று கொண்டிருந்தார்.

இந்த நிலையில் பள்ளிக்கரணையில் உள்ள தனியார் மருத்துவமனையின் அருகே நடந்து சென்றபோது அந்த வழியாக வந்த கார் தன்ராஜின் மீது மோதியது.இந்த விபத்தில் பலத்த காயமடைந்த தன்ராஜ் சம்பவ இடத்திலேயே உயிரிழந்தார்.

இது குறித்து அறிந்த போலீசார் சம்பவ இடத்திற்கு விரைந்து சென்று தன்ராஜீன் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். இந்த சம்பவம் குறித்து போலீசார் வழக்கு பதிவு செய்து விசாரணை நடத்தி வருகின்றனர்.