தமிழ் சினிமாவில் “பாய்ஸ்” திரைப்படத்தின் மூலம் நடிகராக அறிமுகமானவர் நகுல். அதன் பிறகு இவர் “காதலில் விழுந்தேன்” எனும் திரைப்படத்தில் ஹீரோவாக அறிமுகம் ஆனார். இதைத்தொடர்ந்து இவர் மாசிலாமணி, தமிழுக்கு எண் ஒன்றை அழுத்தவும் போன்ற பல படங்களில் வெற்றியை கண்டார்.

இதையடுத்து கடந்த சில வருடமாக எந்த படங்களிலும் நடிக்காமல் இருந்தார். தற்போது நீண்ட இடைவேளைக்குப் பிறகு “வாஸ்கோடகாமா” என்ற படத்தில் நடித்துள்ளார். மேலும் இந்த படத்தில் இயக்குனர் கே.எஸ் ரவிக்குமார் நடிகர் முனிஷ்காந்த் ஆகியோர் முக்கிய கதாபாத்திரத்தில் நடித்துள்ளனர். இந்தப் படத்தை அறிமுக இயக்குனர் ஆர்.ஜி கிருஷ்ணன் இயக்கிய நிலையில், அருண் என்.வி  இசையமைத்துள்ளார். இந்நிலையில் இந்த படத்தின் டிரைலர் வெளியாகி ரசிகர்கள் மத்தியில் வரவேற்பை பெற்றுள்ளது. மேலும் இந்த படம் ஆகஸ்ட் 2-ம் தேதி வெளியாகும்.