ஒடிஷா மாநிலத்தின் சௌத்வார் பகுதியில் இன்று (மார்ச் 30) காமாக்யா எக்ஸ்பிரஸ் ரயில் தடம் புரண்டுவிழுந்து விபத்துக்குள்ளானது. மாங்குளி என்ற பயணிகள் நிறுத்தம் அருகே இந்த சம்பவம் நடந்ததாக தகவல்கள் தெரிவிக்கின்றன. பங்களூருவில் இருந்து காமாக்யா நோக்கி சென்று கொண்டிருந்த பெங்களூரு-காமாக்யா சூப்பர்ஃபாஸ்ட் எக்ஸ்பிரஸ் ரயிலின் 11 பெட்டிகள் தடம் புரண்டன.

பயணிகளுக்குள் உயிரிழப்பு அல்லது காயம் ஏற்பட்டதா என்பதைப் பற்றிய தகவல்கள் இன்னும் வரவில்லை. இந்த சம்பவம் குறித்த கூடுதல் தகவல்கள் விரைவில் வெளியிடப்படும் என எதிர்பார்க்கப்படுகிறது. மீட்பு மற்றும் பாதுகாப்பு பணிகள் தற்போது நடைபெற்று வருகின்றன.