பிக் பாஸ் நிகழ்ச்சியில் கலந்து கொண்டதன் மூலம் மக்கள் மத்தியில் பிரபலமானவர் பாலாஜி முருகதாஸ். இவர் தற்போது அறிமுக இயக்குனரான சதீஷ்குமார் இயக்கத்தில் ஃபயர் என்ற படத்தில் கதாநாயகனாக அறிமுகமாகிறார்.

இந்தப் படம் 2020 ஆம் ஆண்டு நாகர்கோவிலில் நடந்த பாலியல் வன்கொடுமை குற்றவாளி காசி வழக்கை மையமாக வைத்து எடுக்கப்பட்டுள்ளது. இந்த படத்தில் ரச்சிதா மகாலட்சுமி, சாக்ஷி அகர்வால், சிங்கம் புலி என பலர் நடித்துள்ளனர்.

இந்த படத்தின் ட்ரெய்லர் கடந்த மாதம் வெளியாகி மக்கள் மத்தியில் நல்ல வரவேற்பு பெற்றது. இந்த படம் பிப்ரவரி 14-ஆம் தேதி வெளியாக இருக்கும் நிலையில் படத்தில் இடம் பெற்றிருக்கும் “டும் டும் கல்யாணம்” பாடல் பட குழுவினரால் வெளியிடப்பட்டுள்ளது.