கன்னட சினிமாவில் முன்னணி காமெடி நடிகராக வலம் வந்தவர் பேங்க் ஜனார்த்தன். இவர் 800-க்கும் மேற்பட்ட திரைப்படங்களில் நடித்துள்ளார். இவர் காமெடி மற்றும் துணை கதாபாத்திரங்களில் நடித்து தனக்கென தனி இடத்தை பதித்த நிலையில் தற்போது உடல் நலக்குறைவின் காரணமாக காலமானார்.

இவர் பெங்களூரில் உள்ள ஒரு தனியார் மருத்துவமனையில் சிகிச்சைக்காக அனுமதிக்கப்பட்ட நிலையில் சிகிச்சை பலனின்றி காலமானார். இவர் நடிப்பு தொழிலோடு வங்கியிலும் வேலை பார்த்ததால் தான் பேங்க் ஜனார்த்தன் என்று அழைக்கப்பட்டார். மேலும் இவருடைய மறைவுக்கு பிரபலங்கள் மற்றும் ரசிகர்கள் பலரும் இரங்கல் தெரிவித்து வருகின்றனர்.