பிரபல நடிகரான அஜித் மகிழ் திருமேனி இயக்கத்தில் விடாமுயற்சி திரைப்படத்தில் நடித்துள்ளார். இந்த படத்தில் அஜித்துக்கு ஜோடியாக த்ரிஷா நடித்துள்ளார். மேலும் அர்ஜுன், ரெஜினா, ஆரவ் உள்ளிட்ட பலர் முக்கிய கதாபாத்திரத்தில் நடித்துள்ளனர். மங்காத்தா திரைப்படத்திற்கு பிறகு அஜித்தும் த்ரிஷாவும் இணைந்து நடிப்பதால் படத்தின் மீது எதிர்பார்ப்பு அதிகமாக உள்ளது. பல்வேறு தடைகளை தாண்டி உருவான விடாமுயற்சி திரைப்படம் பெரும் எதிர்பார்ப்புகளுக்கு மத்தியில் நாளை ரிலீஸ் ஆக உள்ளது.

ரிலீஸுக்கு முன்பே உலக அளவிலும் தமிழ்நாட்டிலும் ப்ரீ புக்கிங் கலெக்ஷன் 25 கோடி ரூபாய் வசூல் செய்ததாக கூறப்படுகிறது. தமிழ்நாட்டில் மட்டுமே விடாமுயற்சி படத்தின் பிரீ புக்கிங் 14 கோடி ரூபாய் வரை வசூல் செய்துள்ளது. விடாமுயற்சி படம் சூப்பர் ஹிட் ஆகும் என ரசிகர்கள் எதிர்பார்த்து காத்துக் கொண்டிருக்கின்றனர். இந்த நிலையில் விடாமுயற்சி படத்தில் இடம்பெற்ற தனியே பாடல் சற்று முன் ரிலீஸ் ஆனது.