ராஜஸ்தான் மாநிலத்தில் அதிர்ச்சியூட்டும் சம்பவம் ஒன்று நடந்துள்ளது. அதாவது 30 வயதான சுராஜ் பாவ்ரி என்பவர் தனது இரண்டு குழந்தைகளை தாக்கியதில் 10 மாத குழந்தை உயிரிழந்துள்ளது.

சுராஜ் பாவ்ரி தனது மனைவி பாரதியுடன் வியாழக்கிழமை இரவு கடும் வாக்குவாதத்தில் ஈடுபட்டதாகக் கூறப்படுகிறது. அதன்பின் மது போதையில் இருந்த அவர் தனது 10 மாத குழந்தை ஆகாஷ் மற்றும் இரண்டு வயது குழந்தை கமல் ஆகியோரை காலால் உதைத்து, கைகளால் அடித்துத் தாக்கியதாகக் கூறப்படுகிறது.

இந்த தாக்குதலில் 10 மாத குழந்தை உயிரிழந்தது. காயமடைந்த இரண்டு வயது குழந்தை கமல் தீவிர சிகிச்சையில் உள்ளார். சுராஜ் பாவ்ரியை போலீசார் கைது செய்துள்ளனர். மேலும் இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.