மகனுக்காக ஆசையோடு பைக் வாங்கி கொடுத்து அதை தீவைத்து எரித்ததந்தையின் செயலால் தற்போது பலர் அதிர்ச்சி அடைந்து வருவதுடன், சிலர் அவரை பாராட்டவும் ஆரம்பித்துள்ளனர். இந்த சம்பவம் மலேசிய நாட்டின் கோலாலம்பூர் பகுதியில் நடந்ததாக கூறப்படுகிறது. சம்பவத்தின் அடிப்படையில், ஷாஆலம் என்ற தந்தை, தனது மகனுக்கு பள்ளிக்கூடம் சென்று வர சுலபமாக இருக்கும்படி பைக் ஒன்றை வாங்கி கொடுத்துள்ளார்.
ஆனால், பைக்கை வாங்கிய மகன் அதனை தவறான நோக்கில் பயன்படுத்த ஆரம்பித்ததாக கூறப்படுகிறது. முக்கியமாக, பைக்குடன் பல பந்தயங்களில் கலந்துகொண்டு தாமதமாக வீட்டிற்கு வருவதும், தனது பாதுகாப்பை கவனிக்காததுமான பழக்கங்களில் ஈடுபட்டுள்ளார். இதனால் மகனைப்பற்றி கவலைப்பட்ட தந்தை, ஆரம்பத்தில் அவருக்கு அறிவுரை கூறி மாற்ற முயன்றுள்ளார்.
மகன் தந்தையின் வார்த்தைகளை பெரிதாக எடுத்துக்கொள்ளாததால், ஷாஆலம் இறுதியில் கடுமையான முடிவு ஒன்றை எடுத்துள்ளார். தனது மகனுக்கு நல்லபாடம் புகட்டும் நோக்கில், ஆசையாக வாங்கிய பைக்கையே தீவைத்து எரித்துள்ளார். இது மகனை சீர்திருத்தும் எண்ணத்தில் எடுத்த நடவடிக்கை எனக் கூறப்படுகிறது.
தந்தையின் இந்த நடவடிக்கை பற்றி மகனின் எதிர்வினை தற்போது தெரியவில்லை. ஆனால், இந்த சம்பவம் சமூக வலைதளங்களில் வேகமாக பரவி, பலரும் அவரை வரவேற்கின்றனர். “மகனின் பாதுகாப்பு மற்றும் நலம் என்பதே பெற்றோரின் பிரதான பொறுப்பு” என ஷாஆலமின் நடவடிக்கை பலராலும் பாராட்டப்பட்டு வருகிறது.
பெரும்பாலான பெற்றோர்கள் பிள்ளைகளின் ஆசைக்கு அனைத்து வசதிகளையும் செய்து கொடுத்து விடுகின்றனர், ஆனால் அப்போதெல்லாம் பிள்ளைகளின் நலனை கருத்தில் கொண்டு செயல் பூர்வமாக முடிவெடுப்பது அவசியம்.
