பாலிவுட் சூப்பர் ஸ்டார் நடிகர்களில் ஒருவர் சல்மான்கான். தற்போது சிக்கந்தர் என்ற படத்தில் நடித்துள்ளார். ஏ ஆர் முருகதாஸ் இயக்கத்தில் உருவாகியுள்ள இந்த படத்தில் இவருக்கு ஜோடியாக ராஷ்மிகா மந்தனா நடித்துள்ளார். மேலும் காஜல் அகர்வால், சத்யராஜ், கிஷோர் உள்ளிட்ட பலரும் இந்த படத்தில் முக்கிய கதாபாத்திரங்களில் நடித்துள்ளார்கள். 59 வயதாகும் சல்மான் கான் 28 வயதாகும் ராஷ்மிகா மந்தனாவிற்கு ஜோடியாக இந்த படத்தில் நடித்திருக்கிறார். இருவருக்கும் இடையில் 31 வயது வித்தியாசம் என்று விமர்சனங்கள் எழுந்து வந்தது.

இதற்கு சல்மான் கான், ஹீரோயின்க்கும் எனக்கும் இடையே 31 வயது வித்தியாசம் என்று பேசுகிறார்கள். வயது வித்தியாசத்தால் ஹீரோயினுக்கு பிரச்சனை இல்லை. அவரின் அப்பாவுக்கும் பிரச்சினை இல்லை. அப்படி இருக்கும்போது உங்களுக்கு என்ன பிரச்சனை? ராஷ்மிகாவிற்கு மகள் பிறந்தால் அவரோடும் சேர்ந்து நடிப்பேன் பதிலடி கொடுத்திருந்தார்.

இந்த நிலையில் நடிகை ராஷ்மிகா சல்மான் கான் உடன் நடித்தது குறித்து தன்னுடைய மகிழ்ச்சியை தெரிவித்துள்ளார். அதாவது ஒரு பேட்டியில் பேசிய ராஷ்மிகா, இந்த சினிமாவில் மிகவும் பிரபலமான நடிகர்களில் ஒருவர் சல்மான்கான். அவருடைய படத்தில் நடிப்பது பெருமை” என்று கூறியுள்ளார்.