தமிழகத்தில் மேற்கு திசை காற்றின் வேறுபாடு காரணமாக ஒரு சில மாவட்டங்களில் மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. அதன்படி இன்று தமிழகம், புதுச்சேரி மற்றும் காரைக்கால் ஆகிய பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மகதமான மழைக்கு வாய்ப்பு இருக்கிறது.

அதன்பிறகு இன்று நெல்லை, கன்னியாகுமரி, தென்காசி, திண்டுக்கல், தேனி, திருப்பூர், கோயம்புத்தூர் மற்றும் நீலகிரி ஆகிய 8 மாவட்டங்களில் ஒரு சில இடங்களில் கன மழை பெய்ய வாய்ப்பு உள்ளது. மேலும் இதேபோன்று ஜூன் 25, 26 ஆகிய தேதிகளிலும் தமிழகம், புதுச்சேரி மற்றும் காரைக்கால் ஆகிய பகுதிகளில் சில இடங்களில் மழை பெய்ய வாய்ப்புள்ளது. அதன்பிறகு நாளை மற்றும் நாளை மறுநாள் தமிழகத்தில் கன்னியாகுமரி, நெல்லை, தென்காசி, திண்டுக்கல், தேனி, திருப்பூர், கோவை மற்றும் நீலகிரி மாவட்டம் மலைப்பகுதிகளில் ஒரு சில இடங்களில் கன மழை பெய்ய வாய்ப்பு இருக்கிறது என்று சென்னை வானிலை ஆய்வு மையம் தெரிவித்துள்ளது.