கேரளாவின் இடுக்கி மாவட்டத்தில் உள்ள இறச்சில்பாறை பகுதியில் திடீரென நிலத்தில் பெரிய விரிசல் ஏற்பட்ட சம்பவம் பெரும் பீதியை ஏற்படுத்தியுள்ளது. சுமார் 100 மீட்டர் நீளத்திற்கு ஏற்பட்டுள்ள இந்த விரிசலால், நிலச்சரிவு ஏற்படும் அபாயம் அதிகரித்துள்ளதால், அப்பகுதியில் உள்ள வீடுகளில் வசிப்பவர்கள் அனைவரும் பாதுகாப்பான இடத்திற்கு மாற்றப்பட்டுள்ளனர்.

இந்த நிலச்சரிவு அபாயம் குறித்து அதிகாரிகள் கவலை தெரிவித்துள்ளனர். விரிசல் ஏற்பட்ட பகுதியை சுற்றி உள்ள பகுதிகள் தொடர்ந்து கண்காணிக்கப்பட்டு வருகிறது. நிலநடுக்கம் அல்லது அதிக மழை போன்ற இயற்கை சீற்றங்கள் ஏற்பட்டால், நிலச்சரிவு ஏற்படும் அபாயம் மேலும் அதிகரிக்கும் என்பதால், மக்கள் எச்சரிக்கையாக இருக்குமாறு அதிகாரிகள் கேட்டுக்கொண்டுள்ளனர்.

இந்த சம்பவம், கேரளாவில் நிலச்சரிவு ஏற்படும் அபாயம் குறித்து மக்களிடையே அச்சத்தை ஏற்படுத்தியுள்ளது. இது போன்ற இயற்கை சீற்றங்களை எதிர்கொள்ளும் வகையில், அரசு மற்றும் உள்ளாட்சி அமைப்புகள் மேலும் தயாராக இருக்க வேண்டும் என்ற கோரிக்கையும் எழுந்துள்ளது.