தமிழகத்தில் ரேஷன் கடைகள் மூலமாக ஏழை எளிய மக்களுக்கு இலவசமாகவும் மலிவு விலையிலும் உணவுப் பொருட்கள் வழங்கப்பட்டுள்ளன. அது மட்டுமல்லாமல் அரசு வழங்கும் நலத்திட்ட உதவிகளை பெறுவதற்கும் ரேஷன் கார்டு என்பது அவசியம். இந்நிலையில் தமிழகத்தில் புதிதாக ரேஷன் கார்டு பெற விரும்புவோர் மற்றும் பொது தகவல்கள் சேர்க்கை மற்றும் நீக்கம் செய்ய விரும்புவோர் இனி தாலுகா அலுவலகம் செல்ல வேண்டியதில்லை.

உணவு வழங்கல் துறையில் https://www.tnpds.gov.in என்ற இணையதளத்தில் விண்ணப்பிக்க வேண்டும். புது ரேஷன் கார்டு கிடைக்கும் வரை ஒரு மாற்று கார்டு உங்கள் வீட்டுக்கே உடனடியாக அனுப்பப்படும். இதற்கு அஞ்சல் கட்டணம் மட்டும் செலுத்தினால் போதும் என தமிழக அரசு அறிவித்துள்ளது.