இயக்குனர் சு.அருண்குமார் இயக்கத்தில் நடிகர் விக்ரம் நடித்துள்ள திரைப்படம் வீரதீரசூரன். இது விக்ரம் நடிக்கும் 62 ஆவது படம்.  இந்த படத்தில் எஸ்.ஜே சூர்யா, துஷாரா விஜயன் உள்ளிட்ட பலரும் நடித்துள்ளார்கள். இந்த படத்தை எச்.ஆர் பிக்சர்ஸ் சார்பில் ரியா ஷிபு தயாரித்துள்ளார். இந்த படத்திற்கு ஜிவி பிரகாஷ் இசை அமைத்துள்ளார். இந்த படம் இரண்டு பாகங்களாக உருவாக உள்ளதை பட குழு உறுதி செய்துள்ளது.

முதலில் இந்த படத்தில் இரண்டாம் பாகம் வெளியாக உள்ளது. இந்த படத்தின் வெளியீட்டிற்கு பிறகு தான் முதல் பாகம் உருவாகும் என்று படக்குழு தெரிவித்துள்ளது. இந்த படத்தில் விக்ரம் கிராமிய தோற்றத்தில் காளி என்ற கதாபாத்திரத்தில் நடித்துள்ளார். இந்த படமானது நாளை வெளியாகும் என்று அறிவிக்கப்பட்டிருந்த நிலையில் படம் வெளியாவதில் சிக்கல் ஏற்பட்டுள்ளது. அதாவது மும்பையை சேர்ந்த B4U என்ற தயாரிப்பு நிறுவனமும் பண முதலீடு செய்துள்ளது. இதனால் அந்த நிறுவனத்திற்கு இந்த படத்தின் டிஜிட்டல் உரிமையை தயாரிப்பாளர் எழுதிக் கொடுத்திருக்கிறார்.

ஆனால்  இன்னும் படம் ஓடிடி உரிமை விற்க்கப்படவில்லையாம்.  அதற்குள் படம் வெளியாக தயாராகிவிட்டது .ரிலீஸ் தேதி அறிவித்ததால் படத்தை ஓடிடியில் விற்கப்பட தயாராகியுள்ளது.  இதனால் மும்பையை சேர்ந்த B4U நிறுவனம் முதலீடு செய்த தொகையில் 50 சதவீத நஷ்ட ஈடு கொடுக்க வேண்டும் என்று டெல்லி ஹைகோர்ட்டில் வழக்கு தொடர்ந்தது. இதனை விசாரித்த ஹைகோர்ட் படத்தை வெளியிட இடைக்கால தடை விதித்துள்ளது.