மெக்சிகோ நாட்டில் வசிக்கும் 30 வயதான நாட் செடிலோ என்ற சட்டக் கல்லூரி மாணவி, தனது படிப்பை தொடரும் நோக்கில் வாரந்தோறும் 3,380 கிலோமீட்டர் விமானத்தில் பயணம் செய்து வருகிறார்.

ஒவ்வொரு திங்கள் கிழமையும் மெக்சிகோவிலிருந்து விமானத்தில் ஏறி அமெரிக்காவின் மான்ஹாட்டனில் உள்ள கல்லூரிக்கு சென்று, வகுப்புகள் முடிந்ததும் செவ்வாய்க்கிழமை இரவு மீண்டும் வீடு திரும்புகிறார்.

தற்போது தனது இறுதி செமஸ்டரை முடிக்க வேண்டும் என்பதற்காகவே இந்த கடினமான பயணத்தை மேற்கொள்கிறார். கடந்த வருடம், சிறந்த காலநிலை மற்றும் மலிவு வாழ்க்கைச் செலவுகளை கருத்தில் கொண்டு, செடிலோவும் அவரது கணவரும் அமெரிக்காவிலிருந்து மெக்சிகோவுக்கு குடிபெயர்ந்தனர்.

தனது கல்வி பாதிக்கப்படக்கூடாது என்பதால், கடந்த 13 வாரங்களில் மட்டும் விமான பயணங்கள், உணவு மற்றும் தங்குதலுக்காக ரூ.1.7 லட்சம் செலவழித்துள்ளார். அவரது இந்த அர்ப்பணிப்பு மற்றும் உறுதி, பல மாணவர்களுக்கு முன்னுதாரணமாக இருக்கிறது.