விழுப்புரம் மாவட்டம் விக்கிரவாண்டி சட்டமன்ற தொகுதி இடைத்தேர்தல் வருகின்ற ஜூலை 10ஆம் தேதி நடைபெறும் என சமீபத்தில் அறிவிக்கப்பட்ட நிலையில் தேர்தல் நடத்தை விதிமுறைகள் அனைத்தும் அமலுக்கு வந்துள்ளது. இதனைத் தொடர்ந்து விக்ரவாண்டி இடைத்தேர்தலுக்கான வேட்பு மனு தாக்கல் ஜூன் 14 இன்று தொடங்குகின்றது.

இந்த தொகுதியின் திமுக எம்எல்ஏவாக இருந்த புகழேந்தி கடந்த ஏப்ரல் மாதம் உடல் நலக்குறைவால் உயிரிழந்த நிலையில் வருகின்ற ஜூலை 10 இடைத்தேர்தலுக்கான வாக்குப்பதிவு நடைபெறுகிறது. இதனை தொடர்ந்து வேட்பு மனு தாக்கல் இன்று தொடங்கி ஜூன் 21ஆம் தேதி வரை நடைபெறும் என அறிவிக்கப்பட்டுள்ளது. இந்த தொகுதியில் திமுக சார்பாக மாநில விவசாய அணி செயலாளர் அன்னியூர் சிவா போட்டியிடும் நிலையில் அதிமுக, பாமக மற்றும் நாம் தமிழர் கட்சி வேட்பாளர்கள் குறித்து அறிவிப்பு விரைவில் வெளியாக உள்ளது