விஜய் நடித்த ‘வாரிசு’ படத்தை கிரிக்கெட் வீரர் சூர்யகுமார் யாதவ் விமானத்தில் பார்த்து ரசித்த வீடியோ வைரலாகி வருகிறது..

16வது ஐபிஎல் தொடரின் 2வது தகுதிச் சுற்று ஆட்டம் அகமதாபாத்தில் உள்ள நரேந்திர மோடி மைதானத்தில் நேற்று முன்தினம் நடைபெற்றது. இதில் குஜராத் டைட்டன்ஸ் மற்றும் மும்பை இந்தியன்ஸ் அணிகள் மோதின. இதில் குஜராத் டைட்டன்ஸ் அணி 20 ஓவரில் 3 விக்கெட் இழப்புக்கு 233 ரன்கள் எடுத்தது. மும்பை இந்தியன்ஸ் அணி 18.2 ஓவர்களில் அனைத்து விக்கெட்டுகளையும் இழந்து 171 ரன்கள் மட்டுமே எடுத்து தோல்வியடைந்தது.

போட்டியில் தோல்வியடைந்த மும்பை இந்தியன்ஸ் வீரர்கள் விமானம் மூலம் மும்பை புறப்பட்டனர். அப்போது விஜய் நடித்த ‘வாரிசு’ படத்தை சூர்யகுமார் யாதவ் விமானத்தில் பார்த்து ரசித்துள்ளார். இந்த வீடியோ சமூக வலைதளங்களில் வைரலாகி வருகிறது..