இந்திய சினிமாவில் தவிர்க்க முடியாத நடிகர்களில் ஒருவராக திகழ்பவர் நடிகர் விஜய். இவர் வெங்கட் பிரபு இயக்கத்தில் தி கிரேட்டஸ்ட் ஆப் ஆல் டைம் என்ற திரைப்படத்தில் தற்போது நடித்துள்ள நிலையில் நேற்று உலகம் முழுவதும் படம் ரிலீசானது. இந்தப் படத்தில் நடிகர்கள் பிரபுதேவா, அஜ்மல் அமீர், பிரசாந்த், சினேகா மற்றும் மீனாட்சி சவுத்ரி ஆகியோர் முக்கிய வேடங்களில் நடித்துள்ள நிலையில், நடிகர் விஜய் தந்தை மற்றும் மகன் என இரண்டு வேடங்களில் நடித்துள்ளார்.

இந்த படம் நேற்று வெளியாகி பாசிட்டிவ் விமர்சனங்களை குவித்து வருகிறது. இந்நிலையில் தற்போது படத்தின் முதல் நாள் கலெக்ஷன் குறித்த தகவல் வெளிவந்துள்ளது. அதன்படி நேற்று உலகம் முழுவதும் தி கோட் 31.47 கோடி ரூபாய் வசூலித்துள்ளது. இருப்பினும் நடிகர் விஜயின் முந்தைய படமான லியோவின் முதல் நாள் வசூல் 76.2 கோடியாக இருக்கும் நிலையில் அதனை கோட் படம் முந்தவில்லை. மேலும் இதே போன்று கல்கி 2898 ஏடி படத்தின் முதல் நாள் வசூலான 114 கோடி ரூபாயையும் முந்தவில்லை. இது விஜய் ரசிகர்கள் மத்தியில் சற்று ஏமாற்றத்தை ஏற்படுத்தி உள்ளது.