உத்திரபிரதேசம் மாநிலம் அவுராயா மாவட்டத்தில் உள்ள பகுதியில் சிறுமி ஒருவர் வசித்து வருகிறார். இவர் தனது அத்தையுடன் கடந்த வியாழக்கிழமை அன்று காவல் நிலையத்திற்கு சென்று புகார் அளித்துள்ளார். அந்தப் புகாரில் சுமார் 10 வருடங்களுக்கு முன்பாக எனது பெற்றோருக்களுக்கு இடையே தகராறு ஏற்பட்டது. இதில் நான் எனது தாயுடன் டெல்லிக்கு சென்றேன். ஆனால் 4 வருடங்களுக்கு முன்பு என்னுடைய தந்தை மற்றும் மாமா மீண்டும் வீட்டுக்கு அழைத்து வந்தனர். என்னுடைய தாய் கடந்த ஒரு வருடத்திற்கு முன் உயிரிழந்துள்ளார்.

இதற்கிடையில் கடந்த ஒரு வருடமாக என்னுடைய தந்தை, மாமா மற்றும் தாத்தா என்னை பாலியல் பலாத்காரம் செய்துள்ளனர் என்று காவல்துறையினரிடம் கூறினார். அதாவது அந்த சிறுமியின் தாத்தா அவரை வயலுக்கு அழைத்துச் சென்று அங்கு தகாத முறையில் ஈடுபட்டுள்ளதாகவும், மாமா அவரது அறைக்குள் வலுக்கட்டாயமாக நுழைவார் என்றும், தந்தை தன்னை கட்டி வைப்பார் என்றும் கூறியுள்ளார். இதற்கு அந்த சிறுமி எதிர்ப்பு தெரிவித்தால் கொன்று விடுவதாக மிரட்டுவார்கள் என்றும் அவர் கூறியுள்ளார்.

இரண்டு மாதங்களுக்கு முன்பு சிறுமி கர்ப்பமாக இருந்தபோது அவருக்கு, அத்தை உதவவில்லை. இந்நிலையில் கடந்த டிசம்பர் 22ம் தேதி தந்தை, மாமா மற்றும் தாத்தா ஆகிய மூவரும் சேர்ந்து அந்தச் சிறுமியை கொல்ல சதி செய்துள்ளனர். இதனால் அந்த சிறுமி தனது அத்தை வீட்டுக்கு ஓடு சென்று உள்ளார். அதன் பின் அவர்கள் இருவரும் சேர்ந்து காவல் நிலையத்திற்கு சென்று புகார் அளித்துள்ளனர். சிறுமியின் வாக்குமூலம் பதிவு செய்யப்பட்ட பிறகு குற்றம் சாட்டப்பட்ட நபர்கள் காவல்துறையினர் கைது செய்தனர்.