தென்னிந்திய சினிமாவில் முன்னணி நடிகையாக வலம் வருபவர் கீர்த்தி சுரேஷ். இவர் பேபி ஜான் என்ற திரைப்படத்தின் மூலம் ஹிந்தியில் அறிமுகமாக உள்ளார். நடிகை கீர்த்தி சுரேஷ் தெலுங்கு மற்றும் தமிழ் சினிமாவில் ஏராளமான படங்களில் நடித்து வரும் நிலையில் இவர் நடிப்பில் சமீபத்தில் ரகு தாத்தா உள்ளிட்ட திரைப்படங்கள் வெளிவந்து நல்ல வரவேற்பை பெற்றது. தற்போது கைவசம் பல படங்களை வைத்துள்ள கீர்த்தி சுரேஷ் நடிப்பில் பிஸியாக இருக்கிறார்.

இந்நிலையில் நடிகை கீர்த்தி சுரேஷ் திருமணம் குறித்த செய்தி சமீபத்தில் வெளியானது. அதாவது நடிகை கீர்த்தி சுரேஷ் ஆண்டனி தட்டில் என்பவரை திருமணம் செய்ய இருக்கிறார். இவர்கள் இருவரும் கிட்டத்தட்ட 15 வருடங்களாக காதலித்து வருகிறார்கள். இவர் ஒரு தொழிலதிபர். இவர்களுக்கு டிசம்பர் 11ஆம் தேதி கோவாவில் திருமணம் நடைபெற இருப்பதாக தகவல் வெளிவந்தது. இந்நிலையில் தற்போது நடிகை கீர்த்தி சுரேஷ் ஆண்டனியுடன் தன் காதலை உறுதிப்படுத்தியுள்ளார். மேலும் அவர் தன்னுடைய இன்ஸ்டாகிராம் பக்கத்தில் அது தொடர்பான புகைப்படத்தை வெளியிட்டு 15 வருடமாக அவரை காதலித்து வருவதாக பதிவிட்டுள்ளார். மேலும் நடிகை கீர்த்தி சுரேஷுக்கு தற்போது பலரும் வாழ்த்துக்களை தெரிவித்து வருகிறார்கள்.