ஆண்டுதோறும் சர்வதேச கிரிக்கெட் கவுன்சில் ஐசிசி, சிறந்த வீரர், சிறந்த வீராங்கனை, சிறந்த ஒரு நாள் அணி, t20 அணி, பெஸ்ட் அணி போன்ற பல விருதுகளை வழங்கி வருகிறது. இந்நிலையில் கடந்த 2024ம் ஆண்டிற்கான ஐசிசி விருதுகளை வென்றவர்களின் விவரங்கள் இன்று முதல் அறிவிக்கப்படும் என்று ஐசிசி தெரிவித்திருந்தது. அதன்படி கடந்த 2024ம் ஆண்டிற்கான சிறந்த ஒருநாள் ஆண்கள் அணியின் விவரங்களை ஐசிசி அறிவித்துள்ளது.

ஆனால் அதில் ஒரு இந்திய வீரர் கூட இடம் பெறவில்லை. இந்த அணியில் இலங்கை வீரர்கள் 4 பேரும், பாகிஸ்தான் மற்றும் ஆப்கானிஸ்தான் வீரர்கள் தலா 3 பேரும் இடம்பெற்றுள்ளனர். இந்த அணிக்கு கேப்டனாக சரித் அசலங்கா மற்றும் விக்கெட் கீப்பராக குசல் மெண்டில் நியமிக்கப்பட்டுள்ளார்.

கடந்த 2024ம் ஆண்டுக்கான சிறந்த ஒரு நாள் ஆண்கள் அணி பட்டியல் இதோ. சைம் அயூப் பாகிஸ்தான், ரஹ்மனுல்லா குர்பாஸ் ஆப்கானிஸ்தான், பதும் நிசாங்கா இலங்கை, குசல் மெண்டிஸ் இலங்கை, சரித் அசலங்கா இலங்கை, ஷெர்பேன் ரூதர்போர்டு வெஸ்ட் இண்டீஸ், அஸ்மதுல்லா ஓமர்சாய் ஆப்கானிஸ்தான், வனிந்து ஹசரங்கா இலங்கை, ஷாகின் ஷா அப்ரிடி பாகிஸ்தான், ஹாரிஸ் ரவூப் பாகிஸ்தான், அல்லா கசன்பர் ஆப்கானிஸ்தான் ஆகியோர் இடம்பெற்றுள்ளனர்