பிரபல தயாரிப்பாளரான சசிகாந்த் இப்போது படம் ஒன்றை இயக்கியுள்ளார். இவர் ‘ தமிழ் படம், விக்ரம் வேதா, இறுதிச்சுற்று, ஜகமே தந்திரம், மண்டேலா’ போன்ற படங்களை தயாரித்துள்ளார். வொய் நாட் ஸ்டூடியோஸ் நிறுவனத்தின் மூலம் சசிகாந்த் தயாரிக்கும் படத்திற்கு ‘டெஸ்ட்’ என்று பெயரிடப்பட்டுள்ளது.
இப்படத்திற்கு சக்திஸ்ரீ கோபாலன் இசையமைத்துள்ளார். கிரிக்கெட்டை மையமாக வைத்து எடுத்துள்ள இப்படத்தில் நயன்தாரா, சித்தார்த், மாதவன், மீரா ஜாஸ்மின் ஆகியோர் முக்கிய கதாபாத்திரத்தில் நடித்துள்ளனர். இப்படத்தில் சித்தார்த் கிரிக்கெட் வீரராகவும் மாதவன் பயிற்சியாளராகவும் நடித்துள்ளனர் என்று தகவல்கள் வெளியாகியுள்ளது.இந்த படத்தின் டீசர் வெளியாகி மக்களிடையே பெரும் வரவேற்பை பெற்றது.
இத்திரைப்படம் ஏப்ரல் 4ஆம் தேதி நெட்பிளிக்ஸ் ஓ.டி.டி தளத்தில் வெளியாக உள்ள நிலையில் தற்போது வரும் மார்ச் 25ஆம் தேதி ட்ரெய்லர் வெளியாகவுள்ளது என்று நெட்பிளிக்ஸ் தெரிவித்துள்ளது.
