கவுதம் அதானி இந்தியாவின்  பணக்காரர்கள் பட்டியலில் தற்போது முதலிடத்தை பிடித்துள்ளார். அதாவது  ஹூருன் ஆராய்ச்சி நிறுவனத்தின் தற்போதைய பட்டியலின்படி, இந்தியாவின் மிகப்பெரிய பணக்காரராக கவுதம் அதானி உருவெடுத்துள்ளார். அவரது மொத்த சொத்து மதிப்பு 11.61 லட்சம் கோடியாக உயர்ந்துள்ளது. இதன் மூலம், முதலிடத்தில் இருந்த முகேஷ் அம்பானியை பின்னுக்குத் தள்ளி அதானி முதலிடத்தை பிடித்துள்ளார்.

முகேஷ் அம்பானியின் மொத்த சொத்து மதிப்பு தற்போது10.14 லட்சம் கோடியாக உள்ளது. HCL நிறுவனர் ஷிவ் நாடார் 3.14 லட்சம் கோடி சொத்து மதிப்புடன் பட்டியலில் மூன்றாவது இடத்தை பிடித்துள்ளார்.மேலும் சைரஸ் பூனாவாலா ரூ.2.88 லட்சம் கோடி சொத்து மதிப்புடன் நான்காவது இடத்திலும், திலீப் சங்க்வி ரூ.2.49 லட்சம் கோடி சொத்து மதிப்புடன் ஐந்தாமிடத்திலும் இருக்கிறார்கள்.