முன்னாள் அமெரிக்க அதிபரான ஒபாமா மற்றும் அவரது மனைவி மிச்செல் ஒபாமா விவாகரத்து செய்ய உள்ளதாக வதந்திகள் பரவி வருகின்றன. அதிபர் ஜிம்மி கார்டனின் அரசு இறுதி சடங்கில் ஒபாமாவுடன் மிச்செல் வரவில்லை. மேலும் வரும் ஜனவரி 20-ஆம் தேதி நடக்க இருக்கும் டிரம் அதிபராக பதவி ஏற்கும் விழாவிலும் ஒபாமாவுடன் அவரது மனைவி கலந்து கொள்ளவில்லை என அறிவிக்கப்பட்டது. இதன் விளைவாகவே விவாகரத்து வதந்திகள் வளம் பெற்றன.

இந்நிலையில் மிச்செலின் பிறந்தநாளுக்கு தனது எக்ஸ் பதிவில் ஒபாமா உருக்கமாக வாழ்த்து தெரிவித்ததோடு வதந்திகளுக்கு முற்றுப்புள்ளியும் வைத்துள்ளார். அதில் என் வாழ்க்கையில் அன்பான @MichelleObama பிறந்தநாள் வாழ்த்துக்கள் நீ வீட்டின் ஒவ்வொரு அறையையும், அரவணைப்பு, அறிவு, சந்தோஷம் மற்றும் கருணையால் நிரப்பி இருக்கின்றாய். உன்னுடன் வாழ்க்கையின் சாகசங்களை சேர்ந்து செய்ய முடிந்ததால் அதிர்ஷ்டசாலியாக உணர்கின்றேன். உன்னை நேசிக்கிறேன் என்று பதிவிட்டுள்ளார். மேலும் இருவரும் சேர்ந்து உணவருந்தும் புகைப்படத்தையும் பகிர்ந்துள்ளார்.