கன்னட சினிமாவில் பிரபல நடிகராக இருப்பவர் சிவராஜ் குமார். இவர் கிட்டத்தட்ட 50 வருடங்களுக்கும் மேலாக திரைத்துறையில் மொத்தம் 125 படங்களுக்கு மேலாக நடித்துள்ளார். இவர் தமிழில் ஜெய்லர், கேப்டன் மில்லர் போன்ற படத்திலும் நடித்துள்ளார். இவர் கடைசியாக நடித்திருந்த ‘பைரவி ரணகல்’ என்ற திரைப்படம் கடந்த நவம்பர் 15ம் தேதி வெளியானது. இதற்கிடையில் சிவராஜ் தனக்கு உடல் நலப் பிரச்சினை இருப்பதாகவும், அதற்காக அமெரிக்கா சென்று சிகிச்சை பெற உள்ளதாகவும் தெரிவித்திருந்தார்.

இந்த தகவல் ரசிகர்களுக்கு அதிர்ச்சியை ஏற்படுத்தியிருந்தது. இதைத்தொடர்ந்து மருத்துவரின் அறிவுறுத்தல் படி அவர் அமெரிக்கா சென்றார். அங்கு புளோரிடாவின் மியாமி மருத்துவமனையில் சிகிச்சைக்காக அனுமதிக்கப்பட்டு, அறுவை சிகிச்சை செய்யப்பட்டுள்ளது. இது குறித்து மருத்துவர்கள் கூறியதாவது, சிவராஜ் குமாருக்கு சிறுநீர்ப்பை அகற்றப்பட்டு, செயற்கை சிறுநீர்ப்பை பொருத்தப்பட்டுள்ளதாக தெரிவித்துள்ளனர்.  தற்போது அவர் நலமாக இருப்பதாகவும் மருத்துவர்கள் தெரிவித்துள்ளனர்.