சின்னத்திரை தொடர்களில் நடித்து பிரபலமானவர் நடிகை பவானி. இவர் நடித்த சின்னத்தம்பி தொடர் ரசிகர்கள் இடையே நல்ல வரவேற்பை பெற்றது. இந்நிலையில் பிக் பாஸ் சீசன் 5-ல் கலந்து கொண்ட இவருக்கும், அதே சீசனில் கலந்து கொண்ட நடனக் கலைஞர் அமீருக்கும் இடையே நட்பு ஏற்பட்டது. இதனையடுத்து அமீர் பிக் பாஸ் வீட்டில் இருக்கும் போதே பவானியை ஒரு தலைபட்சமாக காதலித்து வந்துள்ளார். இதனைத் தொடர்ந்து அமீரின் காதலை பவானி முதலில் ஏற்க மறுத்துள்ளார்.

பின்னர் இருவரும் தொடர்ந்து 3 ஆண்டுகளாக காதலித்து வந்த நிலையில் இருவரும் இணைந்து அஜித்தின் துணிவு படத்தில் நடித்து இருந்தனர். இதனைத் தொடர்ந்து  காதலர் தினமான பிப்ரவரி 14 அன்று தங்களது திருமண தேதியை இருவரும் அறிவித்துள்ளனர். அதன்படி வரும் ஏப்ரல் 20-ம் தேதி இருவருக்கும் திருமணம் நடைபெற உள்ளதாகவும், வீடியோ வெளியிட்டு அறிவித்துள்ளனர். இதனால் அமீர் பவானிக்கு ரசிகர்கள், சினிமா பிரபலங்கள் அனைவரும் தங்களது வாழ்த்துக்களை தெரிவித்து வருகின்றனர்.