பிக்பாஸ் சீசன்-5 நிகழ்ச்சியில் வைல்டு கார்டு என்ட்ரியாக வந்தவர்தான் நடன இயக்குனர் அமீர். இந்த நிகழ்ச்சியில் இருந்து போட்டியாளராக இருந்த பாவனியும், அமீரும் நெருக்கமானார்கள். இதையடுத்து போட்டியை விட்டு வெளியில் வந்ததும் அவர்கள் காதலித்தனர். மேலும் அஜித்தின் துணிவு திரைப்படத்தில் இருவரும் ஜோடியாக நடித்தனர்.

இந்நிலையில் அமீர் மற்றும் பாவனி இரண்டு பேரும் சேர்ந்து ஒரு திரைப்படத்தில் நடிக்கின்றனர். அமீரே டைரக்டும் செய்யும் இப்படத்திற்கு சபீர் இசையமைக்கிறார். இந்த படத்தில் மன்சூர் அலிகான், காயத்திரி ஜெயராம், சுரேஷ் சக்ரவர்த்தி, சாதனா, விடிவி கணேஷ், அலீனா போன்றோர் முக்கியமான கதாபாத்திரங்களில் நடிக்க உள்ளனர். இன்னும் பெயரிடப்படாத இப்படத்தின் பூஜை நேற்று நடைபெற்றுள்ளது. கூடிய விரைவில் அழகான புரமோ வீடியோவை வெளியிட இருக்கின்றனர்.