சென்னையில் பகுஜன் சமாஜ் கட்சியின் மாநில தலைவர் ஆம்ஸ்ட்ராங் வெட்டி படுகொலை செய்யப்பட்ட சம்பவம் மாநிலம் முழுவதும் பெரும் அதிர்வலைகளை ஏற்படுத்திய நிலையில் இந்த வழக்கில் அடுத்தடுத்து பலர் கைது செய்யப்பட்டு வருகிறார்கள். குறிப்பாக ‌ அரசியல் கட்சியில் இருப்பவர்களும் கைது செய்யப்பட்டு வருகிறார்கள்.

இந்த வழக்கை சிபிசிஐடி போலீசார் தீவிரமாக விசாரித்து வரும் நிலையில் ஆம்ஸ்ட்ராங் கொலை வழக்கில்  இதுவரை 21 பேர் கைது செய்யப்பட்டுள்ளனர். இந்நிலையில் தற்போது மேலும் இளைஞர் காங்கிரஸ் மாநில முதன்மை செயலாளர் அஸ்வத்தாமன் கைது செய்யப்பட்டுள்ளார். போலீஸ் காவலில் உள்ள அருள் கொடுத்த வாக்குமூலத்தின் அடிப்படையில் அஸ்வத்தாமன் கைது செய்யப்பட்டுள்ளார்.